ოზურგეთის რაიონის სოფელ თხინვალიდან მომავალი მიკროავტობუსი სახელმწიფო ნომრით LLS 298 საპატრულო პოლიციის ავტომობილმა (OVO 537) სიჩქარის გადაჭარბებისათვის გააჩერა. ჯარიმის გამოწერისას მძღოლმა, დარღვევის დამადასტურებელი მტკიცებულება მოითხოვა. ამის შემდეგ, პოლიციელებმა მას ავტომობილი ჩამოართვეს და საჯარიმოზე გადაიყვანეს. ინფორმაცია მომხდარზე შემთხვევის ადგილზე მყოფმა გაზეთ „ქობულეთის“ ჟურნალისტებმა დაადასტურეს.
ურეკიდან და ოზურგეთიდან ბათუმში შემავალ ტრანსპორტს საპატრულო პოლიცია ამ დრომდე აკონტროლებს. თვითმხილველების თქმით, სამგზავრო მიკროავტობუსებს აჩერებენ და უმეტეს შემთხვევაში, სიჩქარის გადაჭარბების მიზეზით აჯარიმებენ. ამ პროცესში პატრულთან ერთად, სამოქალაქო ტანსაცმლიანი პირებიც მონაწილეობენ.
ზურა ბაუჟაძე
ბათუმი
No comments:
Post a Comment