სტამბულში, თბილისელ სოფიო გვიანიძეს თაყვანისმცემელმა მამაკაცმა სამზარეულო დანით კისრისა და მუცლის არეში მრავლობითი სასიკვდილო ჭრილობები მიაყენა. მისი გადარჩენა თაქსიმის საავადმყოფოს ექიმებმა ვერ შეძლეს.სტატიას ამ ტრაგედიის შესახებ თურქული ინტერნეტგამოცემა “ჰაბერთურქი” აქვეყნებს.
გამოცემის ცნობით, უშიშროების აკადემიის კურსდამთავრებული, 27 წლის სოფიო გვიანიძე სტამბულში ცოტა ხნის წინ ჩავიდა და ღამის კლუბში ოპერატორად მუშაობდა. იქვე გაიცნო თარჯიმანი ჰუსნი იუსუფი, რომელსაც ის შეუყვარდა და ცოლობა სთხოვა. გოგონას მხრიდან წინადადების უარყოფის გამო, მათ შორის ურთიერთობა დაიძაბა. რამდენიმე დღის შემდეგ კი იუსუფი გვიანიძეს სამსახურში მიუვარდა და მისი დაჭერა სცადა. გოგონამ ქუჩაში გაქცევა მოახერხა, მაგრამ მამაკაცი დაეწია და სასიკვდილოდ დაჭრა, რის შემდეგაც პოლიციას თავად ჩაბარდა.
სტამბულის ბეიოღლუს რაიონის პროკურატურამ გამოძიება უკვე დაიწყო და ამ დროისათვის დაკითხულია ინციდენტის ქართველი თვითმხილველებიც. “ჰაბერთურქის” ინფორმაციით, მკვლელობაში ეჭვმიტანილს საკუთარი მეუღლის მკვლელობაშიც ედებოდა ბრალი, რისთვისაც ის ადრე ირანში იყო გაქცეული.
http://www.haberturk.com/
