28-29 მაისს ფოთში კოლხურ-ლაზური ცეკვებისა და სიმღერების ფოლკლორული ფესტივალი ჩატარდება.ფესტივალის ორგანიზატორი ფოთის ჯანო ბაგრატიონის სახელობის ქორეოგრაფიული სტუდია "ლაზიკაა."
"ფესტივალში დასავლეთ საქართველოს რაიონებიდან, 25 კოლექტივი მონაწილეობს. პირველ დღეს ადგილობრივი ანსამბლები გახსნიან, ხოლო მეორე დღეს ოთხსაათიანი საფესტივალო პროგრამა გვექნება."-განაცხადა სტუდია "ლაზიკას" ხელმძღვანელმა, გიგლა თურქიამ.
ფესტივალის მონაწილეებს შვიდი კაცისაგან შემდგარი ჟიური შეაფასებს, რომლის თავმჯდომარეც საქართველოს ქორეოგრაფთა ერთიანი კავშირის თავმჯდომარე, რეზო ჭანიშვილი იქნება.
ფესტივალის ორგანიზებისათვის ფოთის ბიუჯეტიდან 10 000 ლარი გამოიყო.