ფოცხო-ეწერში მცხოვრები დევნილი ბავშვები ბიბლიოთეკის გახსნას ითხოვენ. ბავშვებმა ამ თხოვნით არასამთავრობო ორგანიზაცია „საუნჯეს“ მიმართეს. თავის მხრივ „საუნჯემ“ დახმარება სთხოვა, 20-მდე სხვადასხვა არასამთავრობო ორგანიზაციას. „საუნჯეს“ თავმჯდომარის, იაგო ფასანძის თქმით, ფოცხო-ეწერში ბიბლიოთეკის გახსნის ფინანსური შესაძლებლობა, მის ორგანიზაციას არ აქვს და იგი დახმარებას სხვადასხვა არასამთავრობო ორგანიზაციებს სთხოვს. - „უკვე მეორე თვეა, რაც ფოცხო-ეწერში ფუნქციონირებს „საუნჯეს“ ახალგაზრდული ცენტრი, ჩვენთან იკრიბებიან ახალგაზრდები და ბავშვები. სწორედ მათ გამოთქვეს სურვილი ფოცხო-ეწერში იყოს ბიბლიოთეკა. აქედან გამომდინარე, ჩვენ დღეს მივმართეთ თბილისში, ოცზე მეტ არასამთავრობო ორგანიზაციას, გამომცემლობებს, ასევე მეგობრებს და კოლეგებს, რომ ჩაერთონ ამ აქციაში და თუნდაც თითო-თითოდ შევაგროვოთ წიგნები და ფოცხო - ეწერელ ბავშვებს გავუხსნათ ბიბლიოთეკა.“ - ამბობს იაგო ფასანძე.
შეგახსენებთ, რომ ფოცხო ეწერში დევნილები, გასული წლის აგვისტოს თვეში ჩაასახლეს.
No comments:
Post a Comment