ფოთის მერია ფინანსთა სამინისტროსაგან 6 მილიონი ლარის სესხებას აპირებს. ფოთის მერის, ვახტანგ ლემონჯავას განმარტებით, ეს თანხა ფოთის ბიუჯეტს ვალად არ დააწვება, მისი თქმით, უახლოეს მომავალში შვეიცარიული საინვესტიციო ჯგუფი ფოთში, ჭავჭავაძის ქუჩის ბოლოში, ნავთობგადამამუშავებელი ქარხნის ასაშენებლად, 40 ჰა მიწის ნაკვეთის შეძენას გეგმავს.მერია კი სესხის დაფარვას ამ შემოსავლიდან აპირებს.
„ინვესტორები, სავარაუდოდ, წლის ბოლოს შემოვლენ, მანამდე სამუშაოები რომ არ შევაჩეროთ, სესხად აღებული თანხა საშუალებას მოგვცემს მშენებარე თეატრი და სპორტული დარბაზი 2012 წელს უკვე დავასრულოთ. დარჩენილი ფული კი გარეგანათების, სახურავებისა და ფასადების შეკეთებას მოხმარდება. ფინანსთა მინისტრისაგან ამ საკითხზე თანხმობა უკვე გვაქვს,“-ამბობს ლემონჯავა.
ექსპერტი ეკონომიკურ საკითხებში, დავით ნარმანიას თქმით, ნორმალური საბიუჯეტო პროცესის პირობებში ადგილობრივ თვითმმართველობას სესხის აღება არ სჭირდება, რადგან თვითმმართველობა საბიუჯეტო პროგნოზს აკეთებს და ფულს დაგეგმილი შემოსავლების მიხედვით ხარჯავს. „მოცემულ შემთხვევაში, შესაძლოა, ფოთის თვითმმართველობის მიერ ფინანსთა სამინისტროდან ფულის სესხება ნაკარნახევია იმით, რომ მან ვერ მიიღო საბიუჯეტო ვალდებულებების დასაფინასებლად საჭირო შემოსავლები. თუ წლის ბოლოს თვითმმართველობის ნავარაუდევი გარიგება არ შედგება, მას შესაძლოა პრობლემა შეექნას, რადგან სესხის დაფარვა ბიუჯეტის ფულით მოუწევს,“-განმარტავს ნარმანია
ნინო თუნთია
მსესხებელი კოპმპანია შეგიძლიათ აქ შეარჩიოთ https://www.sesxebi.ge/
ReplyDeletewww.sesxebi.ge ან sesxebi.com
Delete