29 მაისს, დილით, აფხაზეთის პრეზიდენტი სერგეი ბაღაფში მოსკოვის კლინიკაში გარდაიცვალა.
„დღეს დილით სერგეი ვასილევიჩი გარდაიცვალა“,-ამის შესახებ პრეზიდენტის დაცვის ამსახურის უფროსმა, ანდრეი ბობუამ „ინტერფაქსს“ განუცხადა.
მიმდინარე წლის 21 მაისს, ბაღაფშს მოსკოვის 83-ე კლინიკაში რუსი და ფრანგი ქირურგების მიერ მარჯვენა ფილტვზე ოპერაცია ჩაუტარდა. ექიმები ოპერაციას თავდაპირველად „წარმატებულად“ აფასებდნენ. თუმცა 3 დღის წინ დაწყებული გართულების გამო, ის ხელუვნური სუნთქვის აპარატზე გადაიყვანეს. ერთი დღის წინ ექიმებმა უკვე სხვა ორგანოების გართულებებიც დააფიქსირეს, რის გამოც ვერ შეძლეს მისი მდგომარეობიდან გამოყვანა, გვაუწყებს სააგენტო „ინტერფაქსი“.
No comments:
Post a Comment