რამდენიმე წუთში, ბათუმის საერთაშორისო აეროპორტში თურქეთის პრემიერი მინისტრს რეჯეფ ტაიფ ერდოღანსა და თურქეთის მთავრობის წარმომადგენლებს ელიან. ამის შემდეგ დაგეგმილია სარფის განახლებული საბაჟო-გამშვები პუნქტის ახალი შენობის გახსნა, რის შემდეგაც, თურქეთის პრემიერ-მინისტრისა და საქართველოს პრეზიდენტის შეხვედრა, ქართულ ბიზნესწრეებთან ერთად, ბათუმის „შერატონში“ გაგრძელდება.
შეხვედრაზე ხელი უნდა მოეწეროს ორი ქვეყნის მოქალაქეებისათვის გამარტივებული რეჟიმით საზღვრის გადაკვეთის შესახებ შეთანხმებას. როგორც ცნობილია, შეთანხმების საფუძველზე, ორივე ქვეყნის მოქალაქეებს, პირველი ივლისიდან, მხოლოდ პირადობის მოწმობებით შეეძლებათ საზღვრის გადაკვეთა.
შეხვედრის დასრულების შემდეგ, დახლოებით 15 საათისთვის, საქართველოს პრეზიდენტი ბათუმის ახალ რესტორან „რივიერას“ გახსნის. ამ წუთებში იქ მზადება მიმდინარეობს. მზადებაა ასევე, ასევე ბათუმის ძველი ბაზრის ტერიტორიაზე სავაჭრო და საცხოვრებელ კომპლექს -„ბათუმი პლაზასთან“, რომლის გასხსნის ცერემონიალიც 26 მაისს იგეგმებოდა, თუმცა, მაშინ გადაიდო.
ზურა ბაუჟაძე
No comments:
Post a Comment