დღეს , ზუგდიდის მიუნიციპალიტეტის გამგეობასთან ცენტრალური ბაზრის მოვაჭრეების მიერ გამართული აქციის შემდეგ, ბაზრის მოვაჭრეთა მოთხოვნით ადგილზე მისულმა პოლიციელებმა გარემოვაჭრეებს ბაზრის მიმდებარე ტერიტორიის დატოვება მოსთხოვეს.
პოლიციელებსა და გარემოვაჭრეებს შორის მცირე შეხლა-შემოხლის შემდეგ სამი მათგანი: სვეტა გელანტია, ნანი შეროზია და ნორა ფარცვანია პოლიციამ დააკავა. ქალაქის სამმართველოში მიყვანისას, ისინი შეუძლოდ გახდნენ და სასწრაფო- სამედიცინო დახმარების გამოძახება გახდა საჭირო. სასწრაფოს ექიმის მანანა თორდიას განმარტებით, ერთ მათგანს აღენიშნებოდა მაღალი არტერიული წნევა, ხოლო დანარჩენები ცუდად გახდნენ ნერვული აღგზნებადობის გამო. სამედიცინო დახმარება მათ ადგილზე აღმოუჩინეს.
დაკავებიდან ორ საათში, სვეტა გელანტია და ნანი შეროზია პირდაპირ სამმართველოდან გაანთავისუფლეს. პოლიციის სამმართველოს ტერიტორია მათ უკომენტაროდ დატოვეს.
მესამე დაკავებულის ნორა ფარცვანიას სასამართლო პროცესი ზუგდიდის რაიონულ სასამართლოში შედგა. მისი განთავისუფლება 20-ლარიანი ჯარიმის დაკისრების შემდეგ მოხდა.
სოფო ხუბულავა
No comments:
Post a Comment