დღეს, ზუგდიდის მუნიციპალიტეტმა 26 მაისის ღონისძიებები გამართა. დამოუკიდებლობის დღისთვის მიძღვნილი ზეიმი დილის 10 საათზე გამსახურდიას გამზირზე სახალხო მსვლელობით დაიწყო. მოგვიანებით სამხატვრო სკოლის მოსწავლეთა გამოფენა მოეწყო. ქალაქის ცენტრში გაიმართა ასევე საჭადრაკო ბლიცტურნირი. ჭადრაკის სკოლის ხუთ მოსწავლეს, უფროსი ასაკის მოხალისეები ეჯიბრებოდნენ.
ვახტანგ ფიფია, ტურნირის მონაწილე:-„ეს ამხანაგური თამაში და ღონისძიებაა, მაგრამ კარგი იქნებოდა რაიმე სიმბოლური პრიზიც ყოფილიყო დაწესებული, უფრო მეტი ხალისი გვექნებოდა. ასეთი რა გაუჭირდა გამგეობას, რომ ჩვენთვის უბრალო ქაღალდიც არ გაიმეტა?!
გამგეობის მთავარი სპეციალისტის, რევაზ ჩიხლაძეს თქმით, დღევანდელი დღის გამარჯვებულისთვის სიმბოლური საჩუქარი – გამარჯვებაა.
ამ წუთებში კი თავისუფლების მოედანზე ბავშვთა, ვოკალური ანსაბლის „ზუგდიდის“ კონცერტი იმართება, რომელსაც 250-მდე ადამიანი ესწრება, რაც გასულ წლებში, მსგავს კონცერტზე დამსწრეთა რაოდენობაზე ბევრად ნაკლებია.
ღონისძიების გეგმის მიხედვით, დარჩენილია საზეიმო დასკვნითი კონცერტი, რომელიც 10 საათზე დაიწყება, რომელშიც მონაწილეობას ადგილობრივი და თბილისიდან მოწვეული მომღერლები მიიღებენ.
ლორა ქობალია
No comments:
Post a Comment