ghn.ge-ს ფოტო
26 მაისს, ღამის 00:15 წთ, წყლის ჭავლის,რეზინის ტყვიების, მხუთავი გაზის გამოყენებით სპეცრაზმმა რუსთაველზე მდგარი მომიტინგეების დარბევა დაიწყო. პარლამენტის წინ მდგარი მომიტინგეები ნიღბიანმა სპეცრაზმმა თავისუფლების მოედნის, ჩიტაძისა და ფურცელაძის მხრიდან ალყაში მოაქცია და გაქცევის საშუალება არ მისცა. ნაცემია გურიანიუსისა და ნეტგაზეთის ჟურნალისტები. სასტიკადაა ნაცემი ასევე პოლიტიკოსი კახა კუკავა.
ახლომახლო შენობებში თავშეფარებულ მომიტინგეებს სპეცრაზმელები ფეხდაფეხ მისდევდნენ და რეზინის ხელჯოხებს ურტყამდნენ.ალყაშემორტყმულ მომიტინგეებს გაქცევის დროს აკავებდნენ,რეზინის თოკებით კოჭავდნენ და ძირს აწვენდნენ. "მაესტრომ" გაავრცელა ათეულობით ადამიანის კადრები, რომლებიც რუსთაველზე გაკოჭილი ასფალტზე იწვნენ.როგორც "მაესტრო" ამ წუთებში ავრცელებს ინფორმაციას მიმდინარეობს ხალხის მასობრივი დაპატიმრებები.ამ წუთისათვის რუსთაველის გამზირი გაწმენდილია.
შეგახსენებთ, რომ მომიტინგეებს აქციის ჩატარებაზე სანქცის ვადა 25-ში, ღამის 12 საათზე ამოეწურათ.
No comments:
Post a Comment