დაპირისპირება აფხაზეთის ოპოზიციასა და დე–ფაქტო ხელისუფლებას შორის მას შემდეგ უფრო გაღრმავდა,რაც აფხაზეთში რუსეთის საგარეო საქმეთა მინისტრის,სერგეი ლავროვის ვიზიტი დასრულდა.ყოფილი ვიცე–პრეზიდენტის,რაულ ხაჯინბას განცხადებით,აფხაზეთის დამოუკიდებლობას საფრთხე ემუქრება.ამის დასტურად ხაჯინბას მაგალითად ლავროვის ვიზიტი მოჰყავს.ის,რასაც რუსული და აფხაზური მედია საშუალებები მალავდნენ ლავროვის ვიზიტთან დაკავშირებით,რაულ ხაჯინბამ გაახმაურა დამოუკიდებელი ტელეკომპანია აბაზა TV_ს საშუალებით.მისი განცხადებით,ლავროვის ვიზიტის ძირითადი მიზანი იყო კიდევ ერთხელ დაექნია თითი სერგეი ბაღაფშისთვის და რუსი ოფიცრები თავიანთ ოჯახებთან ერთად კვლავ დაებრუნებინა ბიჭვინთის ერთ–ერთ საუკეთესო დასახლებაში.(რუსი ოფიცრები და მათი ოჯახები 2008 წლის ცნობილი მოვლენების შემდეგ აფხაზეთის გამორჩეულ ადგილებში დაასახლეს.2010 წლის ბოლოს კი აფხაზური კანონის თანახმად გასახლებულ იქნენ). სერგეი ბაღაფშმა ლავროვის ამ მოთხოვნას ერთსულოვნად უპასუხა და განაცხადა,რომ მისი ხელმძღვანელობით უკვე შეიქმნა შესაბამისი კომისია,რომელიც ამ ხალხის ისევ თავიანთ საცხოვრებელ ადგილებში დაბრუნებაზე იზრუნებს.
რაულ ხაჯინბა უკვე ღიად და დაუფარავად აცხადებს,რომ სერგეი ბაღაფში რუსეთის ემისარია და რუსი პოლიტიკოსებისა და ჩინოვნიკების კარნახით მართავს აფხაზეთს.ყოფილი ვიცე–პრეზიდენტის განცხადებით უახლოეს მომავალში აფხაზეთში იგეგმება მაშტაბური საპროტესტო გამოსვლები აფხაზეთის დამოუკიდებლობის დასაცავად.არ არის გამორიცხული დღის წესრიგში დადგეს და თან მკაცრად აფხაზეთის დე–ფაქტო ლიდერის,სერგეი ბაღაფშის გადაყენების საკითხიც. ,,–ასე გაგრძელება მართლა არ შეიძლება.ჩვენ ვიბრძოდით დამოუკიდებლობისთვის და არჩეულ მიზანს არასოდეს ვუღალატებთ. მივესალმებით რუსეთთან კეთილმეზობლურ დამოკიდებულებას,მაგრამ არა ჩვენი დამოუკიდებლობის საზიანოდ“–აცხადებს რაულ ხაჯინბა.
მალხაზ ბასილაია
No comments:
Post a Comment