ფოთის მერის პრესკონფერენცია

დღეს,ფოთის მერმა, ვახტანგ ლემონჯავამ ჟურნალისტებისათვის პრესკონფერენცია გამართა და რამდენიმე საკითხზე ისაუბრა. მან ფოთში დევნილთათვის მშენებარე კორპუსების ივლისის თვეში დასრულების შესახებ განაცხადა. რამდენ დევნილს გადაეცემა საცხოვრებელი ფართი და ოჯახები რა პრინციპით შეირჩევა, ლემონჯავას თქმით, დევნილთა სამინისტრო გადაწყვეტს.

მერმა ქალაქში მიმდინარე სამშენებლო-სარემონტო და გამწვანებით სამუშაოებზეც ისაუბრა. მისი თქმით, მათ ბიუჯეტიდან ყვავილის 40 ათასი ძირი ნერგი შეძინა, რომელსაც ცენტარლურ ქუჩებზე დარგავენ. „აუცილებლად დავრგავთ 1000 ძირ პალმასაც“,-აცახდებს ლემონჯავა. აღნიშნული სამუშაობი 150 ათასი ლარი ჯდება და მას შპს "კულტურისა და დასვენების პარკი"ასრულებს.

მერის განცხადებით, მრავალსართულიანი ბინების ეზოებიდან, ავტოფარეხების დემონტაჟისას დაგროვილი ნაგვის გატანაც მიმდინარეობს. სამუშაოებს ტენდერში გამარჯვებული ფირმა “ტოტალი“ ასრულებს, რისთვისაც ბიუჯეტიდან 50 ათასი ლარია გამოიყო. სამუშაობი ჯერ მხოლოდ გურიის, ჭყონდიდელის, გამსახურდიას ქუჩებსა და რუსთაველის რკალზე მდებარე ბინების ეზოებშია დაწყებული.

მერის განცხადებით, ქალაქში უახლოეს პერიოდში ქალაქის შიდა ქსელის მოწყობის სამუშაოების დაიწყება.
ფოთშიბუნებრივი აირი, ჯერ მხოლოდ ჭავჭავაძის ქუჩის ბოლოში მდებარე კორპუსებამდეა მიყვანილი. მოსახლების უმრავლესობას უსახსრობის გამო გაზი ოჯახებში ვერ შეჰყავს.მერის განცხადებით, სოციალურად დაუცველი და მსგავსი კატეგორიის ადამიანებისთვის ადგილობრივი ბიუჯეტიდან სუბსიდიის გამოყოფა არ იგეგმება.

პრესკონფერენციაზე ლემონჯავამ მაისის თვის დასაწყისში ფოთში მყოფ თურქ ბიზნესმენთა ვიზიტზეც ისაუბრა. მერის განცახდებით, შეხვედრაზე სამომავლო პროექტების განხორციელბაზე ისაუბრეს. თურქ ბიზნესმენთა ჯგუფზე, მათი ინტერესის სფეროსა და დაპირებულ პროექტებზე "თავისუფალი სიტყვის" მიერ დასმული კითხვების მიუხედავად, ლემონჯავას დამატებითი განმარტება არ გაუკეთებია. საუბარი სხვა „მნიშვნელოვანი ვიზიტის“ - აზერბაიჯანის საკონსულოს მიწვევით, ბათუმში გამრთულ შეხვედრაში მონაწილეობის შესახებ განაგრძო. „ჩვენი ქალქის მიმართულებით აზერბაიჯანულმა მხარემ სერიოზული მოსაზრებები გამოთქვა „ -განაცხად მან. რა სახის შეხვედრა იყო, რას ეხებოდა მოსაზრებები, განსახილველ საკითხებსა და სხვა მონაწილეების შესახებ ჩვენი თხოვნის მიუხედავდ კონკრეტიკას აქაც თავი აარიდა. „შესაძლოა, აჯერბაიჯანულ საკონსულოსა და ფოთს შორის გარკვეული თანამშრომლობა ჩამოყალიბდეს“ -აღნიშნა მან, თუმცა რა სახის თანამშრომლობაზეა საუბარი არ განუმარტავს.
იზა სალაყაია